جمالك سيدتي في ثقافتك..إليك عزيزي الرجل
خلينا نكون متفقين إن الركيزة الأساسية في تكوين أي أمة هي المرأة، نعم عزيزي القارئ المرأة.
أقوله أيوا المرأة، المرأة مش بس علشان تتدلعك وتبص ف عينيها ونقضيها «نحنحه»، المرة عندها أساسيات لازم تكون متوفرة فيها، وإلا فكرة تكوين أسرة ناجحه هتكون معدومة…
تخيل معايا كده عزيزي الرجل إن شريكة حياتك معندهاش أي اهتمام غير إنها تعتني ببشرة إيديها!! ياترى مين هيأكلك ويشربك وينضف البيت ويعتني بالأطفال و مذاكراتهم..الخ..
تخيل كده إن شريكة حياتك معندهاش المبادئ الأساسية للتربية والتعامل مع الأطفال، هيكون الزاي حال أطفالك في الوقت اللي فيه كوارث بتحصل بسبب عدم فهم أساليب التربية الحديثة…
تخيل إن شريكة حياتك مش مثقفه مش هقول متعلمه لا مثقفه تقدر تناقشك في كل أمور الخياة؛ كورة سياسة طبيخ فن كل حاجه ..
تقدر تتعامل مع أطفالك و تعودهم وتعلمهم على أساسيات الحياة الصحيحة.. تخيل إن شريكة حياتك معندناش دين وأخلاق ولازم الاثنين مع بعض ايوا دين وأخلاق مينفعش واحد لوحده هيكون ايه شكل الحياة ..هي أصلا فرطت في حق ربها مش هتفرط في حقك وحق أولادك!
المهم يعني أن المرأة لازم يتوفر فيها التعليم والثقافة والحياء والأخلاق و أنها تكون ست بيت شاطرة وعندها أهداف لازم تحققها. ..
و برضوا متكونش حياتها كلها في المطبخ يعني … اصل الست الشاطرة اللي بتتكلم عليها هنا” سوبر هيرو” هتقدر توازن بين كل ده تنا متأكدة لو هي عندها الاساسيات دي.. وبرضوا الاهتمام مطلوب ده مينفيش كل اللي قولتله.
فلو سمحت حضرتك اختار شريكة حياتك بعناية علشان تقدر تقوم وتربي أسرة ..الحياة مش جمال بس، واكيد هنفول لحضرتك انت تعمل ايه برضوا علشان تكون زوج وفرد في المجتمع صالح في تقرير تاني.
