قصة ملاكـي (الجزء الثاني عشر)
سامح: وبعدين يا خالتي.
أمينة: أبوها هيقنعها متقلقش.
سامح: عمي قاسم مش بيطقني أساسًا من الخطوبة الأولى.
أمينة: لأ، المرة دي بالذات هيوافق.
سامح: ليه يعني؟
أمينة: مش مهم، المهم إنك هتتجوزها.
سامح: وبعدين، انتي بتعملي معاها كده ليه؟
أمينة: عشان طالعة زي أمها وقاسم كتبلها كل حاجة بيملكها.
(ملحوظة: أمينة مش أمها الحقيقية بس هي متعرفش وأمها الحقيقية عايشة).
سامح: وانتي بتعملي كده عشان الفلوس يعني.
أمينة: مش شغلك يا سامح.
سامح: أنا ماشي، سلام.
أمينة: سلام.
عند فهد وقاسم في العربية
فهد: عني قاسم قبل ما نروح أنا عايزك في موضوع.
قاسم: خير يا فهد.
فهد: أنا طالب إيد ملاك.
قاسم كان هيوافق بس افتكر إن أمينة ممكن تقول لملاك.
قاسم: معلش يا فهد، كل شيء قسمه ونصيب، ابن خالتها طلبها وأنا وافقت.
فهد: بس ملاك مش موافقة.
قاسم: وهي مش هتكسر لي كلمة ولو. حكمت هتتجوزه غصب.
فهد بغضب: يعني ايه غصب وكمان هو مش الحيوان ده كان خطبها مرة من ٣ سنين وسابته.
قاسم: فهد خلاص انت طلبتها وأنا موافقتش إنهي الموضوع ده.
فهد: حاضر.
رجع فهد ومعاه قاسم وكان الكل موجود ومنه مشيت.
أميرة: أهلاً يا قاسم، حمدالله على السلامة يا حبيبي.
قاسم: الله يسلمك يا أميرة.
ملاك: حمدالله على السلامة يا بابا.
قاسم: الله يسلمك يا بنتي، مالك إيه اللي حصل.
ملاك: الحمد لله أنا كويسة.
قاسم: حصل ازاي ده ومين عمل كده وليه؟
حازم: هي مشافتش مين.
ملاك: أيوة فعلاً.
