قصة ملاكـي (الجزء الثالث عشر)
قاسم: طيب أنا جاي أبلغك إن كتب كتابك بعد أسبوع.
ملاك: أنا مش موافقة يا بابا.
قاسم: مش بمزاجك المرة دي، أنا أديت كلمة لسامح وموافق.
ملاك ببكاء: يعني إيه أنا مش عاوزة.
قاسم: أنا قولت كلمة واحدة وكمان الأسبوع ده هتقضيه هناك في البلد حضرة شنطتك.
أميرة: ليه يا قاسم، مش انت قولت أمبارح هتسيبها هنا.
قاسم وجه نظره لفهد: معلش يا أميرة، بس أنا هاخدها معايا.
حازم: طيب على الأقل أجل كتاب الكتاب ده لما تخف شوية.
قاسم: ده مجرد كتاب الفرح كمان شهرين.
حازم: ماشي مبروك.
مها: ملاك تعالي فوق.
ملاك طلعت مع مها وحضرتك شنطتها ونزلت سلمت على الكل ومشت مع أبوها.
فهد: هو أزاي كده يعني هيجبرها تتجوز الزفت ده.
حازم: والله يا بني مش عارف.
أميرة ببكاء: البت دي ذنبها إيه بس.
مها: خالي أول مرة يتكلم مع ملاك كده، طول عمره حنين عليها وبيوافق على كل حاجة هي عايزاها.
فهد: أنا طالع أنام شوية.
حازم: كلمت سيف يا فهد.
فهد: اها الموضوع ماشي تمام وهيرجع في خلال ٨ أيام كده.
حازم: ماشي.
مر الأسبوع ده بسرعة وملاك مش بتتكلم مع حد فيهم خالص ومها وأميرة وحازم سافروا عشان يحضروا كتاب الكتاب وسيف عرف اللي حصل وقال إنه هيرجع عشان يحضر معاهم هو كمان.
يوم كتاب الكتاب
مها في غرفة ملاك.
ملاك: والله ما هتجوزه أنا.
مها: معلش يا ملاك اعقلي بس وبعدين اتكلمي مع خالي بعد م الناس اللي تحت دي يمشوا.
ملاك: انزلي شوفي المأذون جه ولا لأ.
مها: تمام وانتي كملي لبس.
نزلت مها وملاك فضلت واقفة مكانها وعمالة تبص حواليها ولمحت سكينة.
تحت كان الكل متجمع وناس قرابة قاسم وكبار العائلة.
المأذون: فين العروسة عشان ناخد موافقتها وتمضي.
قاسم: أمينة هاتي ملاك من فوق.
أمينة طلعت فوق ومفيش لحظات ونزلت وهي بتصوت.
أمينة: الحقني يا قاسم.
عند فهد كان في الشركة هو وآدم.
آدم: يا فهد الموظفين كلهم مشوا وأنت لازم تروح كتاب الكتاب ده.
فهد: لأ أنا هفضل هنا وخلاص، قولت مش رايح.
آدم: كل ده عشان أبوها قال لا، خلاص انت كنت عايز تساعدها ومعرفتش مش مهم.
فهد: يعني أسيبها كده.
آدم بخبث: وأنت مالك بيها.
فهد: آدم أنا مش عايز أسمع أي حاجة دلوقتي.
آدم: متقولش إنك بتحبها دي إكيد شفقة يعني.
فهد: أنا ________.
آدم: طب خلينا نمشي من هنا.
فهد: أنا رايح الفيلا.
آدم: وأنا مروح يلا.
خرجوا الاتنين وآدم راح بيته وفهد رجع وفضل قاعد تحت مطلعش وفجأة الباب اتفتح.
فهد بصدمة: ملاك.
ملاك بتنهج من كتر الجري: أيوة أنا ملاك مالك.
فهد: انتي بتعملي إيه هنا.
ملاك: هربت.
فهد: نعم.
ملاك: نعم إيه والله هربت.
سيف من وراها: نعم هربتي ليه.
ملاك: أبيه سيف حمدالله على السلامة.
سيف: ملاك اتكلمي جد هربتي ليه.
ملاك لفهد: أنا موافقة.
فهد وسيف: على إيه؟!
ملاك: مش أنت يا فهد قولتلي تتجوزني أنا موافقة.
سيف: مستحيل.
ملاك: يعني عاوزني أوافق على سامح.
سيف: أنا كنت هغير وأجي وأقنع خالي ميكملش الجوازة دي بس إنك تهربي وتتجوزي فهد لأ.
فهد: أنا طلبتك من خالي ورفض.
