قصة ملاكـي (الجزء الرابع عشر)
ملاك: أنا اتكلمت مع بابا ورفض وهو مصمم وأنا مش موافقة.
سيف: وليه هتتجوزي فهد؟
ملاك: هو عرض عليا نتجوز ويطلقني بعدين بس أخلص من سامح ده.
سيف: ماشي موافق.
فهد طلع موبايله واتصل على آدم.
آدم: ايه يا بني أنا لسه سايبك.
فهد: هات مأذون وتعالي وهات مالك معاك.
آدم: ليه؟!
فهد: اسمع بس وتعالي بسرعة.
آدم: ماشي جاي.
منزل السيوفي
قاسم: بتصوتي كده ليه يا أمينة؟ وفين ملاك؟
أمينة: ملاك مش فوق لقيت الملاية مقطوعة ومربوطة وهربت.
أميرة: هربت يعني ايه.
قاسم: مش انتي كنتي معاها يا مها؟
مها: أيوة يا خالي بس هي قالتلي أنزل أشوف المأذون وصل ولا لأ.
سامح: وبعدين يعني هنفضل واقفين كده.
أمينة: إحنا نكتب الكتاب وندور عليها.
قاسم بغضب: انتي في ايه ولا ايه؟ بنتي مش موجودة وده كل اللي شاغل بالك.
أميرة: تعالي يلا نروح ندور عليها.
الكل خرج واتفضل سامح وأمينة.
سامح بغضب: عجبك كده مش دي فكرتك.
أمينة: وأنا أعرف منين إنها هتعمل كده ولا بتكرهك بالطريقة دي.
سامح: وبعدين هنعمل ايه؟
أمينة: اكيد هترجع وتتجوزها.
سامح: أما نشوف، خلينا نخرج بدل ما حد يتكلم.
أمينة: يلا.
في فيلا الصياد
المأذون: بارك الله لكما وبارك عليكما وجمع بينكما في خير.
سيف: مبروك يا ملاك.
ملاك: الله يبارك فيك يا أبيه وكمان بهمس قول ربنا يجعلها آخر الأحزان.
سيف: مش عارف أنتي بتهزري إزاي.
ملاك: وكنت عايزني أوافق واتجوز سامح ده.
سيف: لأ، خلاص اللي حصل حصل.
آدم: مبروك يا صاحبي.
فهد: الله يبارك فيك عقبالك.
آدم: قريب.
مالك: مبروك يا فهد.
فهد: الله يبارك فيك يا مالك.
مالك: صاحب فهد وآدم وظابط.
مالك: ممكن تفهمنا بقا عشان دماغي وقفت.
فهد: ماشي تعالوا فوق أولاً.
طلعوا فوق.
سيف: إيه الواد ده.
ملاك: والله ما عنده ذوق شايف عمل إيه.
سيف: سيبك منه هتعملي إيه.
ملاك: هروح البلد.
سيف: نعم وده ليه؟
ملاك: هعرفهم إني اتجوزت.
سيف: مش خايفة من خالي!!
