قصة ملاكـي (الجزء الخامس عشر)
ملاك: بابا مش هيأذيني هيزعل شوية وخلاص.
سيف: ربنا يستر، ومنه صاحبتك دي هناك في البلد.
ملاك: لأ، منه قالت مش هتعرف تيجي.
سيف: يعني هي هنا.
ملاك: أيوة.
سيف: طيب ما تتصلي عليها تيجي.
ملاك فضلت تبص لسيف شوية.
سيف بارتباك: مالك، أنا بقول عشان تكون معاكي.
ملاك: هصدقك وطلعت الموبايل وكلمت منه.
منه: أهلاً بالعروسة.
ملاك: عاملة إيه؟
منه: الحمد لله ها، أبوكي عمل اللي هو عايزه. هتيجي امتى؟
ملاك: أنا في القاهرة دلوقتي.
منه: ازاي ده؟
ملاك: أصلًا أنا هربت.
منه بدهشة: بتتكلمي جد؟
ملاك: أه والله، تعالي عشان عايزاكي.
منه: تمام، بس بكرة عشان الوقت اتأخر.
ملاك: تمام وقفلت.
بعد شوية، موبايل ملاك يرن.
ملاك: أيوة يا مها.
مها بصوت منخفض: أنتي فين يا ملاك؟
ملاك: حد جنبك.
مها: يعني بعيد شوية.
ملاك: أنا عندكم في البيت.
مها: بتعملي إيه، الدنيا مقلوبة عندي هنا عليكي.
ملاك: طيب قوليلهم إنك كلمتيني وأنا قولتلك أنا جاية.
مها: وأنتي فعلاً هترجعي.
ملاك: أيوة.
مها: ماشي سلام.
قاسم من وراها: ها يا مها، موبايلها اتفتح.
مها: أيوة وكلمتها قالتلي إنا شوية وجاية.
سامح: هي فين؟
مها: مش عارفة هي كل اللي قالته أنا جاية.
عند فهد
آدم: حصل ايه؟
فهد: هربت وأنا اتجوزتها وخلاص.
مالك: عايز تفهمنا إن فهد الصياد عمل كده عشان يساعد بس.
فهد: هيكون ايه غير كده.
آدم: فهد انت بتحبها؟
فهد: آه يا آدم، خلاص مرتاحين كده.
مالك: وبعدين، هي فاهمة انك هتطلقها؟
فهد: سيبها زي ما تيجي تيجي.
