نيرمين الفقي تتصدر التريند بتصريحاتها فى “معكم منى الشاذلي” ..شاهد ماذا قالت
تصدرت النجمة المصرية نيرمين الفقي، التريند في مصر، اليوم الجمعة، بسبب تصريحاتها في برنامج “معكم” مع الإعلامية منى الشاذلي.
حلت نيرمين الفقي، مساء أمس الخميس، ضيفة على برنامج “معكم” مع الإعلامية منى الشاذلي، الذى يذاع على قناة “cbc” يومى الخميس والجمعة من كل أسبوع.
وصرحت نيرمين الفقي،أن أول مرة شاهدت فيها والديها كان عمرها 16 عام ، ووالدتها كانت بتعمل عملية وهو أتى من بلجيكا، ووصفت مشاعرها لما شوفته في الأول غريبة، والزعل كان لا جدال فيه.
وقالت:”أخر كام سنة بقى بيني وبين والدي حب والعطاء، بس أنا من جوايا مكنتش أتمنى أشوفه وأنا عندي 16 سنة، وبقول لكل عيلة خلي بالكم من الحتة دي، أنا قدرت أوازن لكن غيري ممكن ميعرفش.”
وأضافت:” أول عريس كان ابن الجيران ووالدتى رفضته عشان كنت لسه صغيرة، بس هو كان من عائلة محترمة في الإسكندرية، أما آخر عريس رفضته فبعتله ردى في رسالة وقلتله آسفة مش هاقدر أرتبط بيك، ورد قالى ميرسى على ذوقك وأخلاقك وخلاص”.
وعن أعمالها الجديدة قالت نرمين الفقي:”أشارك في رمضان بمسلسل ضل راجل)وبجد أنا تعبت أوى فيه بسبب كم الشجن والوجع والألم والطبيعية والتلقائية اللى مكتوب بيها السيناريو، وأنا كلمت المؤلف أحمد عبد الفتاح وقلتله بجد أنا تعبت وبقيت مرعوبة وحاسة إنى مش عارفة أعمل حاجة، بس هايكون دور مختلف تماما بجد والناس هتتفاجئ”.
