ريم البارودي تكشف علاقتها الحالية بسمية الخشاب وريهام سعيد

قالت ريم البارودي: “أنا كنت زعلانة من سمية الخشاب،” لتسألها مقدمة البرنامج: “هل كان ذلك وقت الخلافات مع أحمد سعد والجواز والانفصال وكل المواضيع؟” فأجابت: “لغاية ما طلعت مع حضرتك. الحمد لله أكدت كلامي في حاجات، وبعدين صعبت عليا. أنا دقت المهزلة دي وكنت فيها كتير، بس الحمد لله طلعت بدون خسائر.”

وردا على سؤال: “يعني نابك من الحب جانب، اتضربتي؟” قالت ريم البارودي: “جوانب، طبعا، لكن هي إتأذت وما كنتش سمعت منها. لو شفتها دلوقتي في أي حتة حيحصل بينا سلام وعادي جدا.”

وكشفت ريم البارودي عن أنه هناك خلافات بين الفنانة زينة والإعلامية ريهام سعيد، قائلة: “زينة كانت رافعة قضية على ريهام سعيد”.

وتابعت: “في المجال الفني وغيره لنا زملاء لكنهم ليسوا أصدقاء وكانوا عاملين نفسهم بيحبونا أوي وفجأة العلاقات انقطعت.. وعشان كدا قاطعت ناس كتير ووجودهم كان خطأ في حياتي وكانوا عاملين زحمة على الفاضي .. وأمي كانت بتقولي خدي بالك من الناس عشان الحقد والحسد.. أنا اتحسدت على مالي وجمالي وشهرتي.”