شرط جزائي قيمته 600 ألف دولار..محمد الشرنوبي يكشف تفاصيل تورطه مع سارة الطباخ بعد فسخ الخطوبة
كشف الفنان المطرب الشاب محمد الشرنوبي لأول مرة تفاصيل تورطه مع خطيبته السابقة المنتجة سارة الطباخ، خلال منشور نشره على صفحته الشخصية على موقع التواصل الاجتماعي لتبادل الصور والفيديوهات الشهير بـ”فيسبوك”.
حيث أكد الشرنوبي عن وجود أزمة حقيقية قد تعطله عن تكملة مشواره الفني، بسبب عقد الاحتكار الذي وقّعه مع المنتجة سارة الطباخ والتي جمعته بها خطبة لم تستمر سوى أشهر معدودة، ثم أعلنوا انفصالهما.
حيث قال الشرنوبي، خلال البيان الذي صدره، أن بموجب العقد الذي وقعه مع المنتجة سارة الطباخ، تظل شركتها تحتكر إدارة أعماله لمدة 10 سنوات، مر منها أقل من عامين، إذ أشار في بيانه أن العقد تم توقيعه بتاريخ لقائهم الأول تقريبًا سبتمبر 2017.
وتابع قائلا:”في حال رغبته في فسخ التعاقد، سيدفع مبلغ 600 ألف دولار شرطا جزائيا”، موضحا أنه لايحق له التعاقد على أي عمل فني على مستوى التمثيل أو الغناء إلا من خلال شركة سارة الطباخ، إذ أوضح أنه لا يملك حق الإمضاء وفقًا للعقد.
واستكمل الشرنوبى: “عدم ردي على الڤيديو في الفترة دي خلاني أكتشف إنها عاملة مشاكل مع ناس كتير وبقى عندي معلومات وحاجات ماكنتش حابب إني أعرفها عنها.. مع ذلك برضه كنت دايمًا بسعى إننا نخرج بالمعروف، ومن ساعتها بقى فيه شكل أشرس في التعامل.. ولأن هي بس اللي ليها الحق في الإمضاء على العقود.. وهي مابتردش على أي حد يطلبني في شغل.. بقى شغلي واقف وحتى فلوسي القديمة مش عارف آخدها منها وفيه حملات غير مبررة وغير منطقية معمولة عليا وفيها تجريح شخصي ليا ولعيلتي.. ومحاولات لعمل مشاكل بيني وبين الصحفيين اللي عمري ما كان بيني وبينهم مشاكل وأكن لهم كل احترام.. مع العلم إن من أقوى نقاط القوة عندها الميديا والصحافة والعلاقات العامة بحكم شغلها، ومع العلم برضه إن شركتها لسه المفروض بتمثلني وبتدير أعمالي”.
وأضاف: “أنا كنت ملتزم الصمت ومش بتكلم في التفاصيل دي كلها عشان كان بيني وبينها عشرة وعيش وملح، بس واضح إني كنت غلطان عشان نيتي كانت سليمة شوية زيادة والطرف التاني ماحطش أي اعتبار لكل الحاجات دى، دي المرة الوحيدة اللي هاتكلم فيها عن الموضوع ده ومش ناوي أتكلم فيه تاني لا على مستوى الصحافة ولا على مستوى السوشيال ميديا.. المرة الأولى وبإذن الله الأخيرة اللي اضطر اتكلم فيها عن حاجة ليها علاقة بحياتي الشخصية، بس كان لازم أشرح لكم إيه اللي بيحصل عشان كل التساؤلات اللي بتحصل بقالها فترة”.
